Mostrando entradas con la etiqueta linguas. Mostrar todas las entradas
Mostrando entradas con la etiqueta linguas. Mostrar todas las entradas

13 may 2015

Unha canción de mar

Esta é a semana das Letras Galegas, que, ao parecer, ata chegan a outros sitos da galaxia… Como sabedes, este 17 de maio está dedicado a Xosé Filgueira Valverde, que tamén foi poeta, entre outras cousas. E nós, por iso, estamos lendo, recitando, cantando e gravando algúns dos seus versos.

Canción de mar, de X. Filgueira Valverde

22 mar 2015

Alba e Gabriela coa poesía

Coa primavera apareceu o Día Mundial da Poesía e, ademais, chegaron Alba e Gabriela con versos do poeta Gustavo Adolfo Bécquer… Porque hoxe seguen a ser necesarias tanto as palabras como a creatividade da poesía:

De Gustavo Adolfo Bécquer

25 mar 2014

Os poetas novos do Burgo

A nosa Aula de poesía, tan chea de poetas novos e novas promesas, necesitaba dun sitio especial onde recoller os seus traballos. E para iso o mellor é un mapa coas rúas e prazas do Burgo. Pois alí está o seu colexio e a súa aula de 5º, e aí viven estes aprendices de escritores…


Ver Os poetas novos do Burgo en un mapa más grande

19 mar 2014

O Día Mundial da Poesía

Cada 21 de marzo, coa chegada da primavera, celébrase o Día Mundial da Poesía. En moitos lugares do mundo, para reflexionar sobre a palabra e os versos, neste tempo fálase de poemas e dos poetas. Así faremos nós, que por iso temos a nosa Aula de poesía:

Día Mundia da Poesía

Claro que o 21 de marzo tamén se celebra outra cousa importante: é o Día Internacional dos Bosques…

5 feb 2014

Polas ondas un navío

Do poeta Antonio García Teijeiro aprendimos estes fermosos versos, que teñen o aire medieval de Martín Códax. Está moi presente en internet, e podes atopalo en varios sitios. A voz que recita o poema é de Aitana, pero os debuxos son de Diego, Alba, Daniela, Gabriela, Sara S., Silvia e Xabier, e tamén dela. Ben, en realidade non son debuxos acabados, son borradores…

28 ene 2014

Os nosos pensamentos de paz

Hai pouco que falamos da princesa Malaika e das súas cousas. Pois ben, esta idea chegou lonxe de aquí, e por iso nun sitio que chama Invery Crea falaron de nós. E falaron bonito, o que agradecemos moito. Agora dicimos, para o mundo, os nosos pensamentos sobre a palabra PAZ…

22 ene 2014

As súas voces nos versos

Xa falamos do poema de Marica Campo titulado A casa das palabras. Pero o son das súas voces lendo e recitando eses versos non se escoitara no blog. Pois aquí están, aínda que irán aparecendo pouquiño a pouco…

12 ene 2014

A casa dos libros

Algúns dos libros que xa son as nosas estrelas foron citados pola escritora Marica Campo nesta poesía. A nós serviunos para lembrar que, no mundo de todas as palabras, ler é unha festa. Ah, e tamén para empezar a recitar…

O bosque dos libros?

Quero unha casa branca
con mil xanelas
e debruzarme en todas
a ver a festa.
Quero esta casa branca
que son os libros
para vivir as cousas
que outros viviron.
Poderei ser Alicia,
cruzar o espello;
ir por todas os mares,
capitán Nemo.
Escoitar os Cantares
de Rosalía,
voar da Terra á Lúa,
volver no día.
A casa das palabras
ten mil xanelas,
cada xanela un conto,
ler é unha festa.

17 oct 2013

As imaxes das palabras

Na poesía hai que xogar coas palabras e as súas imaxes. Por iso os vosos nomes aparecen aquí formando un gorro que xa coñecemos, pois temos un na clase. Está feito con Tagxedo, pero o malo é que esa aplicación non funciona nos nosos ordenadores. Así que haberá que probar con ImageChef, que tamén serve para que as palabras que escribas adopten algunhas formas curiosas…

Ademais, terás que investigar sobre os acrósticos e os caligramas, que serán os primeiros versos que intentaremos realizar.

15 oct 2013

Aula de poesía

Nesta aula máis “poética” xogarás cos abecedarios e as formas das letras. Tamén xogarás coas palabras e as súas imaxes, como os acrósticos e os caligramas. E ademais xogarás cos versos e as estrofas, coas poesías e as cancións.

A poesía necesita unha actitude diferente… Pecha un pouco os ollos. Abre a porta da mente. Entra. Imaxina. Busca palabras especiais. Palabras coa súa forza interior: nomes, adxectivos, verbos. E conta e canta e, para empezar, practica aquí:

Preme para descubrir a sorpresa!